Friday 14 May 2021
Home      All news      Contact us      RSS      English
radiotavisupleba - 26 days ago

სვანეთში პოლიციელებს ფიზიკური შეურაცხყოფა მიაყენეს

შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის თანამშრომლებმა, პოლიციელზე ჯგუფური წინააღმდეგობის ფაქტზე 3 პირი: 1979 წელს დაბადებული ვ.გ. 1990 წელს დაბადებული გ.უ. და 1992 წელს დაბადებული გ.უ. დააკავეს. დანაშაული 4-დან 7 წლამდე ვადით თავისუფლების აღკვეთას ითვალისწინებს. ტელეკომპანია „რუსთავი ორის“ ინფორმაციით, კონფლიქტი ადგილობრივებსა და პოლიციელებს შორის „კომენდანტის საათის“ დარღვევის გამო მოხდა. „გამოძიებით დადგინდა, რომ ბრალდებულებმა მიმდინარე წლის 17 აპრილს, ხაიშში სამართალდარღვევის ფაქტზე რეაგირების დროს პოლიციელებს წინააღმდეგობა გაუწიეს და ფიზიკური შეურაცხყოფა მიაყენეს. დაშავდა ერთი პოლიციელი, რომელსაც პირველადი სამედიცინო დახმარების გაეწია, მისი ჯანმრთელობის მდგომარეობა დამაკმაყოფილებელია. პოლიციამ ბრალდებულები დანაშაულის ჩადენიდან მალევე ხაიშში დააკავა. გრძელდება საგამოძიებო და საპროცესო ღონისძიებები დანაშაულში მონაწილე სხვა პირთა დაკავების მიზნით“, - ნათქვამია შს სამინისტროს მიერ გავრცელებულ განცხადებაში. პოლიციის მიმართ ჯგუფური წინააღმდეგობის ფაქტზე გამოძიება საქართველოს სსკ-ის 353-ე მუხლის მე-2 ნაწილით მიმდინარეობს.  


Latest News
Hashtags:   

სვანეთში

 | 

პოლიციელებს

 | 

ფიზიკური

 | 

შეურაცხყოფა

 | 

მიაყენეს

 | 

Sources