Wednesday 12 May 2021
Home      All news      Contact us      RSS      English
radiotavisupleba - 25 days ago

ესტონელი ევროპარლამენტარი ოპოზიციას მოუწოდებს, მმართველი პარტიის მსგავსად მათაც მოაწერონ ხელი დოკუმენტს

ესტონელი ევროპარლამენტარი მარინა კალიურანდი მიმართვას აქვეყნებს და ოპოზიციას მოუწოდებს, მმართველი პარტიის მსგავსად მათაც მოაწერონ ხელი დოკუმენტს. „გულითადად მივესალმები პარლამენტის სპიკერის არჩილ თალაკვაძის  განცხადებას, რომ მმართველმა პარტიამ „ქართულმა ოცნებამ“ გადაწყვიტა ხელი მოაწეროს კომპრომისულ დოკუმენტს, რომელიც ამჟამინდელი პოლიტიკური ჩიხიდან გამოსავლის მოძიების მიზნით, ევროპული საბჭოს სპეციალური წარმომადგენლის, კრისტიან დანიელსონის შუამავლობით იყო მიღებული. მე დარწმუნებული ვარ, რომ ეს კომპრომისული დოკუმენტი მხარეებს სთავაზობს დაბალანსებულ გამოსავალს, რაც საქართველოში ყველა პოლიტიკური მხარის ინტერესებს ითვალისწინებს. მოსალოდნელიც არის, რომ ძირითადი ყურადღება მიმართული იყო მმართველი პარტიისკენ. ახლა, როცა მან გადადგა გადამწყვეტი ნაბიჯი, მე სერიოზულად მოვუწოდებ ყველა ოპოზიციურ პარტიას, რომლებმაც არჩევნების შემდეგ პარლამენტს ბოიკოტი გამოუცხადეს, რომ ამ დოკუმენტზე ასევე ხელმოწერით გამოავლინონ იგივე გამბედაობა და კეთილი ნება. ისტორიამ გვასწავლა, ბევრ სიტუაციაში, დიდმა სახელმწიფო მოღვაწეებმა იცოდნენ, რომ გადაწყვეტილება, რომელიც მოკლევადიან პერსპექტივაში შეიძლება არაპოპულარული ჩანდეს, ზოგჯერ საჭიროა ქვეყნისთვის უფრო დიდი სიკეთის მისაღწევად“, - ნათქვამია მიმართვაში. ევროპარლამენტარმა ტვიტერის ოფიციალურ გვერდზე გამოაქვეყნა საკუთარი განცხადება და დაწერა, რომ კომპრომისული ვარიანტი დაბალანსებულ გადაწყვეტას სთავაზობს ყველა პოლიტიკურ პარტიას საქართველოში მათივე ინტერესების გათვალისწინებით.   ქართულმა ოცნებამ“ ევროკავშირისა და ევროპული საბჭოს პრეზიდენტის შარლ მიშელის ეგიდით შექმნილ დოკუმენტს, რომელიც ევროპული საბჭოს პრეზიდენტის სპეციალურმა წარმომადგენელმა საქართველოში კრისტიან დანიელსონმა წარადგინა, ხელი უკვე მოაწერა. ოპოზიციის ნაწილი ამბობს რომ დანიელსონის დოკუმენტს ხელს არ მოაწერენ, სანამ პოლიტპატიმრების თემისა და ვადამდელი არჩევნების საკითხი არ იქნება განხილული.   


Latest News
Hashtags:   

ესტონელი

 | 

ევროპარლამენტარი

 | 

ოპოზიციას

 | 

მოუწოდებს

 | 

 მმართველი

 | 

პარტიის

 | 

მსგავსად

 | 

მათაც

 | 

მოაწერონ

 | 

დოკუმენტს

 | 

Sources