Sunday 18 April 2021
Home      All news      Contact us      RSS      English
radiotavisupleba - 1 month ago

რომის პაპი ერაყში ესტუმრა რეგიონს, რომელიც „ისლამურ სახელმწიფოს“ ხელში იყო სამი წლის განმავლობაში

რომის პაპმა, ფრანცისკემ, ერაყის ომის მსხვერპლისთვის ილოცა უძველეს ეკლესიაში ერაყის ჩრდილოეთის ქალაქ მოსულში, რომელიც  2014 წელს დაიკავა ექსტრემისტულმა გაერთიანებამ, „ისლამურმა სახელმწიფომ“ და  იქ არსებული უძველესი ქრისტიანული თემი გაანადგურა. სამი წლის წინ ისლამისტები არეალიდან განდევნეს.  მლოცველები 7 მარტს შეიკრიბნენ  უბიწო ჩასახვის (ალ-ტაჰირა-კუბრა) ეკლესიის ეზოში, რომელიც ერთ-ერთი უძველესია იმ 14 ეკლესიას შორის, რომლებიც „ისლამურმა სახელმწიფომ“, გაანადგურა. კათოლიკეთა 84 წლის მამამთავარმა თხოვა ერაყელ, ახლო აღმოსავლელ ქრისტიანებს დარჩნენ სამშობლოში. პაპის თქმით, ქრისტიანთა „ტრაგიკული“ გამოსვლა რეგიონიდან არა მხოლოდ საკუთრივ მათ და მათ თემს, არამედ იმ საზოგადოებასაც აყენებს ზიანს, რომლაც ტოვებენ. ვატიკანისთვის ერაყში ქრისტიანების დარჩენა სასიცოცხლო მნიშვნელობისაა, რათა შეინარჩუნოს მრევლი არეალში, სადაც ისინი ქრისტეს პერიოდიდან არსებობენ. ისლამური სახელმწიფოს მიერ მოსულის დაკავების პერიოდში, 2014-დან 2017 წლამდე, ასეულ ათასობით ქრისტიანმა დატოვა იქაურობა. პაპი ფრანცისკე ქურთთა რეგიონული დედაქალაქ, ირბილში ჩაფრინდა 7 მარტს, თავისი ისტორიული მოგზაურობის ბოლო დღეს. პაპმა ხანმოკლე შეხვედრა გამართა რეგიონის პრეზიდენტ ნაჩირვან ბარზანისა და მის ძმისშვილთან, პრემიერ-მინისტრ მასმურ ბარზანისთან. ფრანცისკე ყარაყოშის მახლობლად სტუმრობს ერაყის უდიდეს ეკლესიას, რომელიც ნაწილობრივ დაანგრიეს ისლამისტებმა. ამ არეალში მათი განდევნის შემდეგ ქრისტიანების ნაწილი უკან დაბრუნდა.   დღის ბოლოსთვის დაგეგმილი იყო ღვთისმსახურება ირბილის სტადიონზე, რომელიც ათი ათას ადამიანს იტევს.


Latest News
Hashtags:   

რომის

 | 

ერაყში

 | 

ესტუმრა

 | 

რეგიონს

 | 

რომელიც

 | 

„ისლამურ

 | 

სახელმწიფოს“

 | 

ხელში

 | 

განმავლობაში

 | 

Sources