Wednesday 14 April 2021
Home      All news      Contact us      RSS      English
radiotavisupleba - 2 month ago

პარლამენტთან შეკრებილმა მოქალაქეებმა და პოლიტიკოსებმა კანცელარიასთან გადაინაცვლეს 

პარლამენტთან შეკრებილმა პოლიტიკოსებმა და მოქალაქეებმა მთავრობის ადმინისტრაციის შენობასთან გადაინაცვლეს. ახლა პოლიტიკოსები ტექნიკურ საკითხებს აგვარებენ იმისთვის, რომ სიტყვით მიმართონ აქციაზე შეკრებილებს. ოპოზიციის ლიდერები და მათი მხარდამჭერები 13:00 საათზე შეიკრიბნენ ფილარმონიასთან, საიდანაც „მსვლელობა თავისუფლებისთვის“ დაიწყო და საქართველოს პარლამენტისკენ გაემართნენ. პოლიტიკური განცხადებები პარლამენტთან დაგეგმილ მიტინგზეც გაკეთდა. 23 თებერვალს, ნიკა მელიას დაპატიმრების შემდეგ, ოპოზიციის ლიდერებმა პარლამენტის შენობის წინ კარავი გაშალეს. გასული ორი დღის განმავლობაში ამ აქციას შეუერთდნენ ზუგდიდის, თელავისა და ბათუმის „კარვების აქციების“ მონაწილეები. ამ ქალაქებში საპროტესტო კარვები გაშლილი ჰქონდათ ვადამდელი არჩევნების მოთხოვნით. საქართველოში 2020 წლის 31 ოქტომბრის საპარლამენტო არჩევნების შემდეგ შექმნილი კრიზისი კიდევ უფრო გაამწვავა 23 თებერვალს, საპოლიციო ძალების მიერ ნიკა მელიას დაკავებამ ნაციონალური მოძრაობის ოფისში ჩატარებული სპეცოპერაციის შედეგად. შსს-ს თბილისის საქალაქო სასამართლომ დაავალა მელიასთვის 17 თებერვალს შეფარდებული პატიმრობის გადაწყვეტილების აღსრულება.


Latest News
Hashtags:   

პარლამენტთან

 | 

შეკრებილმა

 | 

მოქალაქეებმა

 | 

პოლიტიკოსებმა

 | 

კანცელარიასთან

 | 

გადაინაცვლეს 

 | 

Sources