Wednesday 3 March 2021
Home      All news      Contact us      RSS      English
radiotavisupleba - 7 days ago

თეა წულუკიანი საერთაშორისო კრიტიკაზე: ზედაპირული განცხადებები ასხამს ოკუპანტის წისქვილზე წყალს

პარლამენტარი და იუსტიციის ყოფილი მინისტრი, თეა წულუკიანი ნიკა მელიას დაპატიმრების შემდეგ საერთაშორისო პარტნიორების, დიპლომატებისა და პოლიტიკოსების კრიტიკულ გამოხმაურებებს საქართველოში შექმნილ კრიზისთან დაკავშირებით ფეისბუქის პირად გვერდზე პასუხობს. ის ამბობს, რომ სასამართლოდ გადაწყვეტილების აღსრულება ერთადერთი სწორი გადაწყვეტილება იყო და მადლობას უხდის პოლიციას მაღალვალიფიციური ქმედებებისთვის.  ის, ვინც ამას [ნიკა მელიას დაკავებას] გმობს, ან საქართველოს არმცოდნე კეთილის მსურველია, ან პოლიტიკურად ანგაჟირებული და მიკერძოებული გარე პირია, ან კიდევ დაკვეთილ მუსიკაზე აცუნდრუკებული შინაური, მაგრამ არა - ნეიტრალური მრჩეველი და ანალიტიკოსი. რვა წლის მანძილზე მრავლად მოგვისმენია მსგავსი რჩევა-დარიგებანი: ყოფილი პრეზიდენტის დანაშაულები გვერდზე გადადეთ და არ გაასამართლოთ, მერე რა, რომ ხალხი სამართალს ითხოვს; ყოფილი პრემიერ-მინისტრი არ დააკავოთ, მერე რა, რომ პოსტზე ყოფნისას მრავალი მძიმე დანაშაული ჩაიდინა; არც ყოფილი მინისტრი დააკავოთ, მერე რა, რომ პატიმრების წამება მისი ჰობი იყო; ნაციონალური მოძრაობა არ დაგმოთ, თორემ გვეწყინება, ცუდი რეაქცია გვექნება; აჰ, მაინც დააკავეთ? მოდით, ახლა გაუშვით; და ა.შ. სწორედ ამგვარი უსამართლო რჩევები , დამნაშავე პოლიტიკური ძალის მფარველობა და ზედაპირული განცხადებები ასხამს ოკუპანტის წისქვილზე წყალს და იწვევს დასავლურ ოჯახში ყოფნის მოსურნე ქართველ ხალხში გაოცებას. ასეთი გაოცებანი კი სახიფათოა. თუ არის გასაგები, რასაც ვგულისხმობ, ხომ კარგი - წერს თეა წულუკიანი.  ოპოზიციური პარტიის ლიდერი ნიკა მელია დილას, 10 საათამდე „ერთიანი ნაციონალური მოძრაობის“ ოფისში საპოლიციო ძალებმა დააკავეს. მის დაკავებას უკვე მოჰყვა საერთაშორისო საზოგადოების მწვავე გამოხმაურება. გაერთიანებულმა ოპოზიციამ აქცია დანიშნა კანცელარიასთან დღის 3 საათზე. ქართული ოცნების თავმჯდომარემ, ირაკლი კობახიძემ თქვა, რომ მელიამ თავისი თავი თვითონ დაიკავა და მადლობა გადაუხადა შს მინისტრს ჩატარებული სპეცოპერაციისთვის. ნიკა მელიას დაკავების შემდეგ განცხადება გაავრცელეს საქართველოში მომუშავე არასამთავრობო ორგანიზაციებმა, რომლებმაც დაგმეს საქართველოს მთავრობის გადაწყვეტილება ნიკა მელიას დაკავების შესახებ.   


Latest News
Hashtags:   

წულუკიანი

 | 

საერთაშორისო

 | 

კრიტიკაზე

 | 

ზედაპირული

 | 

განცხადებები

 | 

ასხამს

 | 

ოკუპანტის

 | 

წისქვილზე

 | 

წყალს

 | 

Sources