Wednesday 12 August 2020
Home      All news      Contact us      English
rustavi2 - 1 month ago

კოვიდფონდის 133 მილიონი დევს ხელშეუხებელი, 100 მილიონი ივანიშვილის მიერაა შეტანილი და ვერ ბედავენ ხარჯვას - რომან გოცირიძე

პარლამენტმა 2020 წლის კორექტირებული ბიუჯეტის განხილვა დაიწყო. ცვლილებების პროექტზე დღეს თავდაცვისა და უშიშროების კომიტეტზე იმსჯელეს. კორექტირებულ ბიუჯეტს დღის კურიერში სტუმრობისას ფრაქცია ნაციონალური მოძრაობის თავმჯდომარე რომან გოცირიძე გამოეხმაურა. ეს ბიუჯეტი აგებულია ეკონომიკის 4%-იან კლებაზე. უკვე ბიუჯეტის შედგენის მთავარი მაჩვენებელი არასწორად არის მთავრობის მიერ წარმოდგენილ დოკუმენტში, მაგრამ მე მგონია, რომ გაცილებით მეტი იქნება ვარდნა. მსოფლიო ბანკის ეს პროგნოზი არ შეესაბამება სინამდვილეს, - განაცხადა გოცირიძემ. რომან გოცირიძის შეფასებით, ბიუჯეტი არის აგებული კორუფციულ გარიგებეზე და ისეთ ხარჯებზე, სადაც ხელისუფლებასთან დაახლოებული კომპანიები უტენდეროდ იღებენ ასეულობით მილიონ ლარს. ჩვენს ქვეყანაში 8 წლის განმავლობაში 11 მილიარდი დაიხარჯაბა მხოლოდ გზებზე და ინფრასტრუქტურაზე. მხოლოდ ინფრასტრუქტურის სამინისტრო 8 წლიდან დახარჯავს 1 წლის ბიუჯეტს. დღემდე არის დაუმთავრებელი სამტრედია-გრიგოლეთის მონაკვეთი. ლეგენდად იქცა, როგორც სურამის ციხე არის ლეგენდა, სანამ არ ჩააბეტონეს იქ ზურაბი, მანამდე იშლებოდა სურამის ციხე. სანამ შვიდივე ინფრაქსტურქტურის მინისტრს, რომელიც ამ წლების განმავლობაში დაინიშნა არ ჩავაბეტონებთ სამტრედია-გრიგოლეთის გზაზე, არ ეშველება ამ პროექტს. ჩავაბეტონოთ უნდა ჰუმანურად, ერთი დღე-ღამის განმავლობაში, რბილ ბეტონში, რომ რაიმე ტკივილი არ იგრძნონ. სიმბოლური ჩაბეტონება სჭირდებათ და ჩასაბეტონებელი კიდევ ბევრია ხელისუფლებაში. იპარავენ ფულს, 5 მილიარდს ვსესხულობთ უცხოეთიდან და იგივე ხარჯებს ვტოვებთ რაც იყო, - განაცხადა რომან გოცირიძემ. რომან გოცირიძემ დაასახელა ის მიმართულებები, რომელიც ბიუჯეტში არ არის გათვალისწინებული. 100 მილიონი მივლინების ხარჯები იმიტომ კი არ შემცირდა, რომ ამათმა მართლა ქამრები შემოიჭირეს, იმიტომ რომ არ არის ფრენები. ინფრასტრუქტურაში ის პროექტებია შემცირებული, რომელიც თანადაფინანსების სახით უნდა გაეღო საქართველოს. პრემიერი, დანამატები, აბსოლუტურად არაფერი არ იცვლება ბიუროკრატიულ ხარჯებში, - აღნიშნა გოცირიძემ. რომან გოცირიძე აცხადებს, რომ ბიუჯეტი საარჩევნო მიზნებისთვის არის გათვილილი. ბიუჯეტში არ არის შესული კორონავირუსის წინააღმდეგ ბრძოლის 133 მილიონიანი ფონდი. 133 მილიონი ლარი დევს ხელშეუხებელი. ამ 133 მილიონში 100 მილიონი არის ივანიშვილის მიერ შეტანილი, ვერ ბედავენ ხარჯვას. ივანიშვილმა შეიძლება ხვალ უკან გაიტანოს ის 100 მილიონი. ეს არის საარჩევნო ფონდი. 133 მილიონი, რომ გაყო 300 ლარზე 4 40000 თვითდასაქმებულს დღეს 300 ლარიანი დახმარება მიეცემოდა. ვის უნახავენ ამას. ამ ფულს წინაასარჩევნოდ გამოიყენებენ მოსასყიდად, - განაცხადა რომან გოცირიძემ.


Latest News
Hashtags:   

კოვიდფონდის

 | 

მილიონი

 | 

ხელშეუხებელი

 | 

მილიონი

 | 

ივანიშვილის

 | 

მიერაა

 | 

შეტანილი

 | 

ბედავენ

 | 

ხარჯვას

 | 

რომან

 | 

გოცირიძე

 | 
Most Popular (6 hours)

Most Popular (24 hours)

Most Popular (a week)

Sources