Sunday 5 July 2020
Home      All news      Contact us      English
radiotavisupleba - 29 days ago

შსს განცხადებას აქვეყნებს ვარკეთილში დაკავებული შეიარაღებული კაცის შესახებ

ვარკეთილში დაკავებული შეირაღებული კაცის დაკავების შესახებ შინაგან საქმეთა სამინისტრო განცხადებას აქვეყნებს. როგორც შსს აცხადებს, თბილისის პოლიციის დეპარტამენტის, საპატრულო პოლიციის დეპარტამენტის, განსაკუთრებულ დავალებათა დეპარტამენტის და საექსპერტო-კრიმინალისტიკური დეპარტამენტის თანამშრომლებმა, ერთობლივად ჩატარებული ღონისძიების შედეგად, 1975 წელს დაბადებული ა.ი. პოლიციელებზე თავდასხმის ბრალდებით დააკავეს. „2020 წლის 5 ივნისს შინაგან საქმეთა სამინისტროს საზოგადოებრივი უსაფრთხოების მართვის ცენტრ „112”-ში შემოვიდა შეტყობინება იმის თაობაზე, რომ თბილისში, ვარკეთილის მე-3 მასივში, 1975 წელს დაბადებულმა, ნასვამ მდგომარეობაში მყოფმა ა.ი.-მ ცეცხლსასროლი იარაღიდან რამდენიმე გასროლა განახორციელა“, - აღნიშნავს შსს. სამინისტროს ცნობით, ადგილზე მისულ სამართალდამცველებს დახვდათ საკუთარ საცხოვრებელ სახლში ჩაკეტილი მოქალაქე ა.ი., რომელიც ამავე სახლის ფანჯრიდან, მეზობლების თანდასწრებით, მის სახელზე რეგისტრირებული ცეცხლსასროლი იარაღის დემონსტრირებას ახდენდა და უმისამართოდ ისროდა, რითაც უხეშად არღვევდა საზოგადოებრივ წესრიგს. „მიუხედავად პოლიციელების არაერთი მოწოდებისა, იგი კვლავ აგრძელებდა მის ხელთ არსებული ცეცხლსასროლი იარაღიდან სროლას.  რამდენიმესაათიანი მოლაპარაკებების შედეგად, ა.ი. დაემორჩილა სამართალდამცველების მოთხოვნას და საცხოვრებელი სახლი დატოვა. შინაგან საქმეთა სამინისტროს თანამშრომლებმა იგი ადგილზე დააკავეს”, - ნათქვამია შსს-ს განცხადებაში.   განცხადების მიხედვით, დაკავების საფუძველია საქართველოს სისხლის სამართლის კოდექსის 353-პრიმა მუხლის პირველი ნაწილი, რაც პოლიციელზე თავდასხმას გულისხმობს. დანაშაული 4-დან 7 წლამდე ვადით თავისუფლების აღკვეთას ითვალისწინებს.

Related news

Latest News
Hashtags:   

განცხადებას

 | 

აქვეყნებს

 | 

ვარკეთილში

 | 

დაკავებული

 | 

შეიარაღებული

 | 

კაცის

 | 

შესახებ

 | 
Most Popular (6 hours)

Most Popular (24 hours)

Most Popular (a week)

Sources