Sunday 5 July 2020
Home      All news      Contact us      English
radiotavisupleba - 1 month ago

მუშევანიდან ლუგარის ცენტრში გაგზავნილ 574 მასალაზე პასუხი 30 მაისს გახდება ცნობილი

დღეს, 29 მაისს სოფელ მუშევანში PCR-ტესტირების მეთოდით მოსახლეობის გაფართოებული შემოწმება ჩატარდა.  სოფელში დაავადებათა კონტროლისა და საზოგადოებრივი ჯანმრთელობის ეროვნული ცენტრის სპეციალისტები იმყოფებოდნენ, რომლებმაც ბოლნისის საზოგადოებრივი ჯანდაცვის ცენტრის თანამშრომლებთან ერთად მოქალაქეებს ბიოლოგიური ნიმუშები აუღეს. ადგილზე 9 ბრიგადა მუშაობდა. ბოლნისის მუნიციპალიტეტის ცნობით, სოფელ მუშევანიდან ლუგარის კვლევით ცენტრში 574 საკვლევი მასალა გადაიგზავნა, რომელთა პასუხებიც ხვალ გახდება ცნობილი. PCR ტესტის მეშვეობით, მოსახლეობის მასობრივი შემოწმების პროცესს დღეს, დაავადებათა კონტროლის ეროვნული ცენტრის ხელმძღვანელი ამირან გამყრელიძე, ქვემო ქართლში სახელმწიფო რწმუნებული შოთა რეხვიაშვილი და ბოლნისის მუნიციპალიტეტის მერი დავით შერაზადიშვილი ესწრებოდნენ. სოფელი მუშევანი 25 აპრილს ჩაიკეტა, ამ პერიოდის განმავლობაში კორონავირუსი 56 მოქალაქეს დაუდასტურდა, ყველა მათგანი სპეციალიზებულ სამედიცინო დაწესებულებებში გადაიყვანეს, არიან გამოჯანმრთელებულებიც. დღესვე, ადგილობრივი თვითმმართველობის გადაწყვეტილებით, სოფელ მუშევანში მცხოვრებ ყველა ოჯახს, თვითმმართველობის წარმომადგენლებმა 100-ლარიანი სასურსათო პაკეტები გადასცეს.

Related news

Latest News
Hashtags:   

მუშევანიდან

 | 

ლუგარის

 | 

ცენტრში

 | 

გაგზავნილ

 | 

მასალაზე

 | 

პასუხი

 | 

მაისს

 | 

გახდება

 | 

ცნობილი

 | 
Most Popular (6 hours)

Most Popular (24 hours)

Most Popular (a week)

Sources