Monday 30 March 2020
Home      All news      Contact us      English
radiotavisupleba - 4 days ago

ოკუპირებულ ცხინვალში აცხადებენ, რომ რუსეთიდან მიიღეს COVID-19-ის დასადგენი ტესტები

ოკუპირებულ ცხინვალის რეგიონში რუსეთიდან ჩაიტანეს კორონავირუსის COVID19-ის დასადგენად განკუთვნილი სატესტო სისტემა. სააგენტო „რეს“-ის ცნობით, ამის შესახებ „სამხრეთ ოსეთის“ მთავარმა სანიტარულმა ექიმმა, მარინა კოჩიევამ განაცხადა საგანგებო შტაბის სხდომაზე. კოჩიევას ინფორმაციით, ამ ეტაპზე აქვთ ხუთი სატესტო სისტემა, რომელიც ცხინვალის ლაბორატორიაში 200 ანალიზის ჩასატარებლად ეყოფათ. მისივე თქმით, რუსეთიდან დაბრუნდნენ „ოსპოტრებნადზორის“ თანამშრომლები, რომლებმაც სპეციალური სწავლების კურსი გაიარეს. მარინა კოჩიევას განცხადებთ, მათთან ერთად ცხინვალში ჩავიდა სტავროპოლელი სპეციალისტი, რომელიც ადგილზე შეისწავლის სისტემის მუშაობას. დე ფაქტო რესპუბლიკის სანიტარული ექიმის ინფორმაციით, ამ კვირის ბოლომდე რუსეთიდან მიიღებენ კიდევ 500 ტესტს, პირველ კვლევებს კი, ამ დღეებში ჩაატარებენ. მიუხედავად იმისა, რომ მარინა კოჩიევას თანახმად, დღემდე ტესტირების საშუალებები არ ჰქონდათ, დე ფაქტო ხელისუფლება აცხადებს, რომ დღემდე „რესპუბლიკაში“ არ გამოვლენილა COVID-19-ით დაავადების არცერთი შემთხვევა. საქართველოს ცენტრალურმა მთავრობამ რამდენჯერმე გამოთქვა მზადყოფნა ქვეყნის ოკუპირებული რეგიონებისთვის შესაბამისი დახმარების გასაწევად.

Related news

Latest News
Hashtags:   

ოკუპირებულ

 | 

ცხინვალში

 | 

აცხადებენ

 | 

რუსეთიდან

 | 

მიიღეს

 | 

COVID

 | 

დასადგენი

 | 

ტესტები

 | 
Most Popular (6 hours)

Most Popular (24 hours)

Most Popular (a week)

Sources