Friday 6 December 2019
Home      All news      Contact us      English
radiotavisupleba - 21 days ago

აშშ-ის სენატორმა ლინდსი გრემმა დაბლოკა კონგრესის მიერ მიღებული რეზოლუცია სომხების გენოციდის შესახებ

აშშ-ის სენატორმა, რესპუბლიკელმა ლინდსი გრემმა დაბლოკა კონგრესის მიერ მიღებული რეზოლუცია, რომელიც გენოციდად აღიარებს ოსმალეთის იმპერიაში თურქების მიერ სომხების მასობრივ განადგურებას. ეს გადაწყვეტილება მან მიიღო თურქეთის პრეზიდენტ რეჯეპ ტაიპ ერდოანთან შეხვედრის შემდეგ. როგორც საიტი The Hill-ი იტყობინება, მან განაცხადა, რომ სენატორებმა არ უნდა შეალამაზონ ან გადაწერონ ისტორია. კონგრესის წარმომადგენელთა პალატამ ოქტომბრის ბოლოს მიიღო გენოციდის აღიარების შესახებ რეზოლუცია ხმების დიდი უმრავლესობით - 405 ხმით 11-ის წინააღმდეგ. დოკუმენტში ლაპარაკი იყო აშშ-ის მიერ ტერმინ „სომხების გენოციდის“ აღიარებაზე, რომლითაც აღინიშნება 1915 წელს ოსმალეთის იმპერიაში მცხოვრები მილიონნახევარი სომხის მკვლელობა, და ამ მოქმედებების დაგმობაზე. კენჭისყრა ცოტა ხანში გაიმართა მას მერე, რაც თურქეთმა ჩრდილოეთ სირიაში ქურთების წინააღმდეგ სამხედრო ოპერაცია დაიწყო. იმისათვის, რომ გენოციდის აღიარება ვაშინგტონის ოფიციალური პოზიცია გახდეს, რეზოლუცია უნდა მოიწონოს აშშ-ის სენატმა და ხელი მოაწეროს პრეზიდენტმა დონალდ ტრამპმა. კონგრესის გადაწყვეტილება გააკრიტიკეს თურქეთის ხელისუფლების უმაღლესი დონის წარმომადგენლებმა. პრეზიდენტმა ერდოანმა მას უაზრო და თურქეთის ხალხისთვის შეურაცხმყოფელი უწოდა.

Related news

Latest News
Hashtags:   

სენატორმა

 | 

ლინდსი

 | 

გრემმა

 | 

დაბლოკა

 | 

კონგრესის

 | 

მიღებული

 | 

რეზოლუცია

 | 

სომხების

 | 

გენოციდის

 | 

შესახებ

 | 
Most Popular (6 hours)

Most Popular (24 hours)

Most Popular (a week)

Sources