Friday 6 December 2019
Home      All news      Contact us      English
radiotavisupleba - 23 days ago

საია მოუწოდებს დეპუტატებს, მხარი დაუჭირონ კონსტიტუციური კანონის პროექტს

„საქართველოს ახალგაზრდა იურისტთა ასოციაცია“ შერეულ საარჩევნო სისტემას ქართული დემოკრატიის განვითარების მთავარ დაბრკოლებად მიიჩნევს. ორგანიზაცია პარლამენტის დეპუტატებს საზოგადოებისთვის მიცემულ პირობას შეახსენებს და მოუწოდებს, მხარი დაუჭირონ 2020 წლისთვის შერეული საარჩევნო სისტემის პროპორციულ სისტემაზე გადაყვანას.   „ჩვენ მოვისმინეთ ცვლილებების საწინააღმდეგო არგუმენტები და მკაფიოდ გვინდა განვაცხადოთ: არსებული კონტექსტის გათვალისწინებით მათ საკმარისი თეორიული საფუძველი არ აქვთ, რომ გადაწონონ ის სიკეთეები, რაც 2020 წელს საპარლამენტო არჩევნების პროპორციული საარჩევნო სისტემით ჩატარებას (ბუნებრივი ბარიერი) აქვს“, - აღნიშნულია „ახალგაზრდა იურისტთა ასოციაციის“ განცხადებაში. საქართველოს პარლამენტმა ხვალისთვის, 14 ნოემბრისთვის გადადო კენჭისყრა „ქართული ოცნების“ მიერ ინიცირებულ საკონსტიტუციო ცვლილებების პროექტზე, რომელიც პროპორციულ საარჩევნო სისტემაზე გადასვლას ითვალისწინებს. კანონპროექტის განხილვა პლენარულ სხდომაზე 12 ნოემბერს დაიწყო. საკონსტიტუციო კანონპროექტით, მაჟორიტარული სისტემა უნდა გაუქმდეს და მხოლოდ პროპორციული წესით ჩატარდეს უკვე მომდევნო, 2020 წლის საპარლამენტო არჩევნები და არა 2024 წლიდან, როგორც ამას დღეს მოქმედი კონსტიტუცია ითვალისწინებს. მაჟორიტარული სისტემის გაუქმებას ეწინააღმდეგება საპარლამენტო უმრავლესობის წევრი მაჟორიტარი დეპუტატების ნაწილი. საკონსტიტუციო ცვლილებების მიღებას, სულ მცირე, 113 დეპუტატის მხარდაჭერა სჭირდება. პროპორციულ საარჩევნო სისტემაზე გადასვლის პირობა „ქართული ოცნების“ თავმჯდომარემ, ბიძინა ივანიშვილმა, მას შემდეგ დადო, რაც 2019 წლის ზაფხულში ზედიზედ რამდენიმე დღის განმავლობაში რუსთაველის გამზირი 3 მთავარი მოთხოვნით გადაიკეტა, მათ შორის ერთ-ერთი კი სწორედ პროპორციული არჩევნები იყო.

Related news

Latest News
Hashtags:   

მოუწოდებს

 | 

დეპუტატებს

 | 

მხარი

 | 

დაუჭირონ

 | 

კონსტიტუციური

 | 

კანონის

 | 

პროექტს

 | 
Most Popular (6 hours)

Most Popular (24 hours)

Most Popular (a week)

Sources